Vai in HomePage | Torna indietro

Ambito di Ricerca:La lingua locale: testi e voci

CANTONI SCONTI

Cantoni sconti de la me cità

dove che 'l sole riva apena apena

qualche minuto al colmo de l'istà ,

dove la neve inveze se scadena

cussita che nel mese de febraro

la xe alta cofa' mezo pajaro.

Despersi drio le piazze e in drento al Gheto

vegno a catarve 'l dì de feragosto,

caminando pian pian, solo soleto,

drento un silenzio che 'l par fora posto.

De rivarghe me incorzo dai odori:

pisso de gato, pisso de cristian,

roba marza, fa pomi e pomidori,

muffa e altra roba lassa' zo dai can.

Epure me piasi', veci cantoni,

con quel'aria che ghi da indormenza',

dove se vede 'l tempo che a spenton i

dai tempi tristi l'è riva' fin qua.

Penseve quanti tosi e quante tose

nei secoli, passando par de qua

i s'a' scambia' struconi, basi e rose

e qualche volta po', sti lazaroni,

i s'a' slonga' le man su pai galoni.

Me sento in drento al cuor 'na nostlagia

che no so dir de cossa la sia fata,

forse de zoventu' scampada via,

forse d'arfiare 'l fia' de na tosata.

Ve saluto, cantoni indormenza',

echi del tempo che par la pontara

dei secoli pian pian xe rodola'..

Me pare de sentire 'na chitara

che sona e pianze de malinconia,

ma vien vanti un tosato co 'na tosa

strucandose a la vecia e i tira via.

E vedo da un canton , spuntar 'na rosa

...di Pier Giuseppe Cèvese

(Tratto da " Par perdese via" )

Cantoni sconti:angoli nascosti; riva:arriva; Ista': estate; Pajaro : Paglialo; Drio: di dietro; Catarve: trovarvi; incorzo:accorgo; Pisso: piscio; Marza: marcia; Piasi': piacete; Indormenza': addormentati; Galoni: cosce; Arfiare: respirare; Pantara: salita o discesa; Rodola': rotolato

Edizione RodAlia - 08/12/2025

pubblicazione consultata 4 volte

totale di pagine consultate 1030638