Logo
.
...Data mercoledì 19 dicembre 2018
...Visite ad oggi 611209  Visitatori
Logo
 

Ambito di Ricerca:Aspetti sociali, in genere
   
SICILIAN MEMORIES_11
by Gioacchino Todaro
 
GIOACCHINO TODARO_poesie


immagine allegata

LE POESIE DI GIOACCHINO TODARO


Sciuri ad agustu


Sciuri ad agustu, tutti ‘mpassuluti

comu di l’anni mia già passati,

nun hannu cchiù culuri, su’ spinnati

e cu’ li piadi viannu scarpisati.


Nun servinu cchiù a nenti a stari ‘mpinti:

li jorna l’hannu fattu e già su’ tanti

e pari giustu di lassari campu

ad atri, ch’è vinutu lu so’ tiempu.


Nun hannu cchiù richiamu pì la vista

e mancu pì la menti a fari festa:

su’ sciuri sicchi, privi di fragranza ,

c’hannu lassatu ‘nterra la simenza.


Po’ cadi l’acqua di lu patri ‘mmiarnu

ed assemi di lu suli fannu a turnu

su’ di la matri terra mentri dormi:

e tornanu a spuntari cuamu viarmi.


A chistu… fa giustizia la natura:

ca di lu siccu la vita veni fora!

_______________
Gioacchino Todaro









immagine allegata

L’ Affidu



Tutt’è affidatu a Tìa, o Patri Santu,

di chista vita mia ogni mumientu

e speru tantu, e n’haiu si’ tanta vogghia:

di custudirmi sempri la famigghia.


Senza l’aiutu Tua diventu nuddu:

comu fantinu privu di cavaddu;

comu rilittu misu ‘nda ‘n’agnuni

o varca a’ mari priva di timuni.


Di lu t’aiutu, certu, nun su’dignu,

ma, sulu, ‘nda ‘sta vita ia mi spagnu

picchì di tuttu, assai, oggi si senti

di quantu li cosi sunnu malamenti.


E lu t’aiutu Santu puru vogghiu

e, ti lu chiedu propriu comu figghiu,

nun sulu pì mìa ti lu raccumannu:

di stari tutti beni all’Atru Munnu!

_______________
Gioacchino Todaro
 
     
Edizione RodAlia - 24/03/2018
pubblicazione consultata 158 volte
totale di pagine consultate 571475
Copyright 2008- Ideazione e Coordinamento di Romualdo Guccione - Realizzazione tecnica del sito di Enzo Callari -