Logo
.
...Data venerdì 29 marzo 2024
...Visite ad oggi 935696  Visitatori
Logo
 

Ambito di Ricerca:Aspetti sociali, in genere
   
SICILIAN MEMORIES_10
by Gioacchino Todaro
 

 



immagine allegata

LE POESIE DI ELL'ALIESE GIOACCHINO TODARO,
recitate dall' Autore

 

<

 

CHI MALUCCORI

(Estate- lu vuoscu bruscia…!)

 

Chi paci d’intra, … a mienzu di ‘stu virdi

unni lu sguardu miu tuttu si perdi,

taliannu di cca e dda li meravigghie:

comu lu svintuliari di li fogghie,

lu jucu di’ li raggi di lu suli

o di l’acieddi tutti li sò voli.

 

Lu sciatu trova puru giuvamiantu

da ‘sta natura ca mi trov’ accantu,

ca sapi di sustanza e di sapuri

e mi s’ allarga tantu lu me cori.

 

Pì chistu… mi disperu e nu’ nn’haiu paci

pi quanti di ‘sti tiampi dannu luci.

 

Su’ poviri di testa e d’intellettu

da nu’ capiri chiddu c’hannu fattu:

na stragi vili …tutta di ‘nnucenti

ca senza d’iddi nu’ si tir’ avanti.

 

E, nun a casu, lu fici lu Criatu

pi’ dari a tutti nui lu megghiu sciatu.

 

Ed ora… tuttu è riduttu a braci ,

da lu jautu di’ la cima a’ li radici.

La terra chianci… cu li carni russi

a vidiri tutti li so’ figghi arsi

e si cupuna di nivuru a luttu

aviennu piersu ‘n pocu tiempu tuttu.

 

Mancu la cinniri a la so’ matri resta…

p’avirla di cunfuortu a la so’ vista,

picchì lu vientu, ca di luntanu veni,

nu’ sapi quali d’idda su’ li peni

e sciuscia forti, pì quant’ havi sciati,

purtannula pì lochi scunusciuti.

 

Un cuorvu plana tuttu scunsulatu…

a vidiri ‘stu situ ad iddu notu,

ca fu pi’ tant’ armali amenu locu

di nidi e tani… prima di ‘stu focu

e d’erba virdi tutta sapurusa

e di tanti vermi ed ‘nsetti a iosa.

 

Chi maluccori… sunnu sti cristiani

p’aviri fattu cosi d’assassini!

Ci nn’è malati e …sani sunnu tanti….

c’agìscinu pì cosi malamenti….,

ca sann’ assai di loscu e d’intrallazzo,

da sentìrisi l’acri di lu puzzo.
______________
Gioacchino Todaro

 

 

 

 

 

L’INSONNIA

 

Quannu la notti l’occhiu nun ha paci,

la menti vola a ccomu pari ad idda

e li ricordi fannu tanta fudda:

comu lu sciumi a’ la so’ stritta foci.

 

S’ammuttanu cu’ forza, a fari scuma,

pì nnesciri tra d’iddi fannu a gara,

ma sulu li cchiù forti vennu fora

chiddi ca mai lu tempu nu’ cunsuma.

 

Lu tradimentu di lu megghiu amicu,

quantu di cchiù è orba la to’ vita,

l’aviri persu la to’ giusta strata

o lu rimpiantu di lu natìu locu.

 

Lu scuru tuttu chistu l’ingiganta:

comu l’ummira a scinniri lu suli,

ca fa’ cchiù granni chiddu ch’è nurmali,

finu a quannu la testa cchiù nu’ cunta.


 

Ad iddi lu to’ corpu l’accumpagna,

pari ca fussi su li spini misu;

si gira sempri comu fussi un fusu

e lu suduri la to’ frunti bagna.

 

Nun sulu iddi sunnu a farti mali,

quantu li vrami di li gatti fora

o li rintocchi ad ogni quartu d’ura

di l’orologiu di lu campanili.


 

La tussi forti pì lu raffridduri

e lu runfari d’inquilini accantu

e la cassetta di lu bagnu sentu,

a cuntu fattu, a menu di tri uri.

 

Chianci pì fami ‘n’ annunnatu ‘nfasci

e tostu si scatina ‘n tirrimotu:

di vucilii, di passu cuncitatu,

di naca e nenia pì quantu s’addurmisci.

 

E fazzu l’arba sempri cu’ stu ‘nfernu,

quannu tra stenti m’addurmisciu stancu.

 

L’amata moglie, ca mi dormi a’ sciancu,

mi chiama … dicennumi ch’è già jornu.

 

Possibili ca mi succedi chistu

quannu lu sensu miu nun è sirenu

ed ogni cosa pari senza frenu:

pì darici all’insonnia ancor cchiù gustu!

 

______________
Gioacchino Todaro


 

 

Chi maluccori

(Estate- lu vuoscu bruscia…!)

 

<

Chi paci d’intra, … a mienzu di ‘stu virdi

unni lu sguardu miu tuttu si perdi,

taliannu di cca e dda li meravigghie:

comu lu svintuliari di li fogghie,

lu jucu di’ li raggi di lu suli

o di l’acieddi tutti li sò voli.

 

Lu sciatu trova puru giuvamiantu

da ‘sta natura ca mi trov’ accantu,

ca sapi di sustanza e di sapuri

e mi s’ allarga tantu lu me cori.

 

Pì chistu… mi disperu e nu’ nn’haiu paci

pi quanti di ‘sti tiampi dannu luci.

 

Su’ poviri di testa e d’intellettu

da nu’ capiri chiddu c’hannu fattu:

na stragi vili …tutta di ‘nnucenti

ca senza d’iddi nu’ si tir’ avanti.

 

E, nun a casu, lu fici lu Criatu

pi’ dari a tutti nui lu megghiu sciatu.

 

Ed ora… tuttu è riduttu a braci ,

da lu jautu di’ la cima a’ li radici.

La terra chianci… cu li carni russi

a vidiri tutti li so’ figghi arsi

e si cupuna di nivuru a luttu

aviennu piersu ‘n pocu tiempu tuttu.

 

Mancu la cinniri a la so’ matri resta…

p’avirla di cunfuortu a la so’ vista,

picchì lu vientu, ca di luntanu veni,

nu’ sapi quali d’idda su’ li peni

e sciuscia forti, pì quant’ havi sciati,

purtannula pì lochi scunusciuti.

 

Un cuorvu plana tuttu scunsulatu…

a vidiri ‘stu situ ad iddu notu,

ca fu pi’ tant’ armali amenu locu

di nidi e tani… prima di ‘stu focu

e d’erba virdi tutta sapurusa

e di tanti vermi ed ‘nsetti a iosa.

 

Chi maluccori… sunnu sti cristiani

p’aviri fattu cosi d’assassini!

Ci nn’è malati e …sani sunnu tanti….

c’agìscinu pì cosi malamenti….,

ca sann’ assai di loscu e d’intrallazzo,

da sentìrisi l’acri di lu puzzo.
______________
Gioacchino Todaro

 

 

L’insonnia

 

>


Quannu la notti l’occhiu nun ha paci,

la menti vola a ccomu pari ad idda

e li ricordi fannu tanta fudda:

comu lu sciumi a’ la so’ stritta foci.

 

S’ammuttanu cu’ forza, a fari scuma,

pì nnesciri tra d’iddi fannu a gara,

ma sulu li cchiù forti vennu fora

chiddi ca mai lu tempu nu’ cunsuma.

 

Lu tradimentu di lu megghiu amicu,

quantu di cchiù è orba la to’ vita,

l’aviri persu la to’ giusta strata

o lu rimpiantu di lu natìu locu.

 

Lu scuru tuttu chistu l’ingiganta:

comu l’ummira a scinniri lu suli,

ca fa’ cchiù granni chiddu ch’è nurmali,

finu a quannu la testa cchiù nu’ cunta.


 

Ad iddi lu to’ corpu l’accumpagna,

pari ca fussi su li spini misu;

si gira sempri comu fussi un fusu

e lu suduri la to’ frunti bagna.

 

Nun sulu iddi sunnu a farti mali,

quantu li vrami di li gatti fora

o li rintocchi ad ogni quartu d’ura

di l’orologiu di lu campanili.


 

La tussi forti pì lu raffridduri

e lu runfari d’inquilini accantu

e la cassetta di lu bagnu sentu,

a cuntu fattu, a menu di tri uri.

 

Chianci pì fami ‘n’ annunnatu ‘nfasci

e tostu si scatina ‘n tirrimotu:

di vucilii, di passu cuncitatu,

di naca e nenia pì quantu s’addurmisci.

 

E fazzu l’arba sempri cu’ stu ‘nfernu,

quannu tra stenti m’addurmisciu stancu.

 

L’amata moglie, ca mi dormi a’ sciancu,

mi chiama … dicennumi ch’è già jornu.

 

Possibili ca mi succedi chistu

quannu lu sensu miu nun è sirenu

ed ogni cosa pari senza frenu:

pì darici all’insonnia ancor cchiù gustu!

 

______________
Gioacchino Todaro


 

 

 
     
Edizione RodAlia - 23/03/2018
pubblicazione consultata 686 volte
totale di pagine consultate 867192
Copyright 2008- Ideazione e Coordinamento di Romualdo Guccione - Realizzazione tecnica del sito di Enzo Callari -