Talìu e penzu

Aiu di lu paisi un vecchiu ritrattu
appizzatu in faccia a lu me lettu
e quannu curcatu riposu e pinnicchiu
l'aiu suttocchiu e sempre lu talìu.

Anticuleddu è stu paiseddu miu,
ma iu beddu e granni sempre lu viu.

Talìu lu panorama, si viri Caccamu,
si nota Pagghiareddi, San Franciscu e Santa Rusalia.
Talìu e ncuminiu a spaziari cu la menti,
cà ci sunnu poi l'amici e li parenti,
in particulari li me soru e li me frati
e tutti li paisani chi su emigrati.

Pua, cominciu a sfilari comu 'na parata
tuttu lu tempu di dda vita passata:
mi veni in menti quannu eru picciotto,
tempi tristi, di miseria e pitittu,
ma sinceri e d'accordo comu li frati
solidali na lu bisogno e necessitati.

Disìu lu maccu e la pasta cu la frittedda,
li cirasi, li castagni e li piridda,
l'acqua frisca e li urciddati di Natali,
finocchi, ficu e li ficurini di San Vitali.

Ricordo li vampi di la quindicina
ni li nuveni a li cincu di matina.

Paiseddu miu ca mi dasti li natali
ti stimu e t'aduru cu amuri filiali.

Orgogliusu sugnu di la to antica grannizza
ca autri ti scipparu a stizza a stizza.

C'è cu ti disprezza e nun ci voli stari
e c'è cu di notti scappassi pi turnari.

Iu pì bisognu inveci appi a emigrari
chista fu la me sorti, chi pozzu fari.

Ma li paisani si ricordanu di mia?

Certu, Pippino. Li picciotti si ricordano di tia.

Veru? E chi sannu di mia?

Sannu ca a la banna la curnetta sunavi
e si ricordanu li beddi sirinata chi purtavi
e chi li carnivalati chi ogni annu organizzavi.

Chisti su li cosi ca mi fannu ralligrari,
né li ricchizzi e mancu li dinari.

Ora penzu ca agghiri a lu paisi
e m'assìgiri vasati pi tri misi
un mi dispiaci pi la forza di vasari
la facci mi l'hanno a fari arrussicari.

Stu signu d'affettu mi duna peni
e Diu ca c'è ancora ca mi voli beni.

di Giuseppe Benincasa

 Voce narrante di Romualdo G.

_____________________________

Guardo e penso

Ho del paese un vecchio ritratto
appesso di fronte al mio letto
e quando da coricato riposo e sonnecchio
ce l'ho suttocchi e sempre lo guardo.

un pò antico è questo mio paesello,
ma io lo vedo sempre grande e bello.

Guardo il panorama, si vede Caccamo,
si nota Pagghiareddi, San Franciscu e Santa Rusalia.
Guardo  e comincio  a spaziari con  la mente
che ci sono poi gli amici e i parenti,
in particolare le mie sorelle e i miei fratelli
e tutti i paisani che sono emigrati.

Poi, incomincio a sfilare come una parata
tutto il tempo di quella vita passata:
mi viene in mente quando ero giovanotto,
tempi tristi, di miseria e fame,
ma si era  sinceri e d'accordo come fratelli
solidali nel bisogno e nella  necessità.

Mi mancano il maccu e la pasta con la frittella,
le ciliege, le castagne e le piccole pere,
l'acqua fresca e l'urciddati di Natale,
finocchi, fichi e i ficodindia  di San Vitale.

Ricordo le vampe della quindicina
nelle novene alle cinque di mattina.

Paisello mio che mi dasti i natali
ti stimo e ti adoro con  amore filiale.
 
Sono orgoglioso della tua  antica grandezza
che altri ti rubarono a poco a poco.

C'è chi ti disprezza e nun ci vuole restare
e c'è chi di notte scapperebbe per ritornare.

Io per bisogno invece ho dovuto emigrare
questa fu la mia sorte, che ci posso fare.

Ma i paisani si ricordanu di me?

Certo, Peppino. i giovani si ricordano di te.

Vero? E che sannu di me?

Sannu che alla banda suonavi la cornetta
e si ricordanu le  belle serenate che portavi
e le feste di Carnivale che ogni anno organizzavi.

Queste sono le cose che mi fanno rallegrare 
non  le ricchizze nemmeno e denari.

Ora penso che devo andare al paese
e che devo ricevere baci per tre mesi
non mi dispiace e a forza di baciare
mi faranno arrossare il viso.