Nr.
d'ordine 1
U ritornu di l'emigranti
Oh paisani ca all'Alia turnati
pi la Madonna, 'nta Austu e pi
Natali,
vi iti cassariannu pi li strati
cu mossa principisca e barunali.
Siti vistuti di milli culura,
d' abiti fini e tagghiati a la
moda,
lu vostro passu nunn'avi primura
la vostra caminata e soda soda.
Fumati sicaretti profumati,
diciti jà, diciti sciù, diciti né,
'ntà circuli e cafè vui vi firmati
faciennu cumplimenti a cuegghiè.
Cu machini di marchi furastieri,
faciti scrusciu e l'aria
'rnmilinati;
'ntà strati, chiazzi, vaneddi e
trazzeri
curriti comu tanti assatanati.
Finistivu di curriri addicati
pi fari na iurnata di zappari,
di caminari cu robbi sfardati,
di fari stienti tantu pi campari.
Li vostri manu nun hannu cchiù caddi,
aviti anedda d'oru 'nta li ita,
e dannuvi la manu, ...'nta la
peddi,
nun sientu cchiù lu duru di la
crita.
La vostra peddi bianca e prufumata,
diventa russa all'uocchiu di lu
suli,
e nun prufuma cchiù tutta l'annata
d'erva, di stadda e suduri di
muli.
La lingua chi parrati è 'mbastarduta
e lorda di paroli d'atri stati,
di lu parrari nuostru la caduta
vui malamenti ormai l'arruzzulati.
Va beni lu prugressu e li dinari,
scurdari fami, stienti e mal'
annati,
ma quannu vi scurdati lu parrari
vi dassi 'ntesta milli vastunati!
Cirinè
_______________________
Nr. d'ordine 3
Terzu di Jusu
Lu suli coci e spacca li
tirruozzi,
vugghi e sbapura l'acqua di li
puzzi,
calia li fraschi e sbampa la
cannedda
bruscia la peddi e asciuca la
mirudda!
Curri la serpa a circari friscura,
'mmienzu li fraschi e 'ntà li
munziddara,
mancu lu nigghiu rinesci a vulari,
c'è troppu fuocu, unn'avi chi
circari.
È ferma l'aria, un c'è sima di
vientu,
né di l'acieddi si senti lu cantu,
mancu l' ariddu fa la sò manfrina,
e muortu pari lu cani a la catina.
Dintra la stanzia l'omu fa cannistri
'ntrizzannu canni e jttuna
d'agghiastri,
mentri li viesti attaccati a la
stadda
mancianu fienu di ina e di sudda!
La vaddi è bianca pì la gran calura
di lu stratuti a li fauri di
Raciura!
Friddu di 'mmiernu, d'estati fucusu,
chistu è lu 'nfiernu di Terzu di
jusu!
Però mi piaci sempri riturnari
'nta stù disertu siccu e
lazzariatu,
unni mé Nannu a forza di sudari
un paradisu mi cci avia criatu!
Cirinè
_______________________ |
Nr.
d'ordine 2
La
me' genti
Trinacria antica, nobbili e
sulagna,
haiu na dica chi mi duna parra,
e notti e ghiuornu sempre
m'accumpagna:
la genti tua nun senti, un vidi e
un
parra.
Nun vidi quantu mali l'atturnia
cu l'uocchi apierti, stralunati,
assenti.
E si lu vidi nun si sfurnicia
si dannu fa all'amicu o a lu
parenti.
E' propria surda comu na campana
e sentiri nun voli lu fischiari
c'arriva di na bona vucca sana
chi la vulissi un poco
struvigghiari.
Muta, comu li pisci di lu mari;
chiù muta di na petra di carcara.
Menu chi mai la spinci a lu parrari
lu suonu di scupetta e di lupara.
Uomini, viecchi, fimmini, carusi
lu Vespru sona e certu lu sintiti.
A mafia, usura e morti siti ad'usi!
Lu Vespru chiama ma nun rispunniti!
Na nuci dintra un saccu un fa rumuri,
ma sbatti sbatti forsi lu
spurtusa.
Speru ca di parrari, lu tirruri
un ghiuornu vi lu leva la me Musa!
Taliu la genti di sta terra mia,
mi pari torcia chi lenta s'
astuta.
Mi pari quasi iunta a la fuddia
sta genti "antica", orva,
surda e muta!
Cirinè
_______________________
Nr. d'ordine 4
Lu dui
di luglio
Lu dui di luglio all'Alia è festa granni,
picchì è la festa di la Santa Matri,
si torna all'Alia di tutti li banni,
ccà, 'ntà la terra di li viecchi patri.
Di la Germania, la Francia e l'Inghilterra
tornanu li divoti paisani,
fussi lu munnu 'npaci o fussi 'nguerra
tornanu di li terri cchiù luntani.
Tornanu p'abbrazzarisi a la matri
chi l'addivau sutta la fadetta
e pi prigari la Matri di Diu Patri,
Madonna di li grazi benedetta.
A lu Cravaniu, com'è tradizioni,
si fa sempri la fera di l' armali,
muli cavaddi e vacchi a profusioni,
spittaculu accussì nunn'avi aguali.
Ddà, nta la Santa casa, a la Matrici,
missa cantata, ncienzu e campaniati,
La Vergini Maria benefattrici,
nn'abbrazza e nni pirduna li piccati.
Splinnuri d'oru e ninfi di cristallu
e n' prima fila c'è l'autorità,
fimmini e spaddi nuri, senza sciallu,
fannu gran mustra di mudernità.
Parati a festa sunnu li parrini,
riccu l'artaru d'oru priziusu,
canta lu coru di li circulini
cu l'organu chi sona maistusu.
C'è sempri, a la finuta di la missa,
na guardia di picciuotti fricaluori,
cu l'uocchiu muortu e la facci di fissa
'ncerca di donni bieddi e senza cori.
Quannu nesci la Santa prucissioni,
quasi a migghiara e tutti a pieri `nterra,
mantiniemu li nostri purmisioni
a la gran Matri di la nostra terra.
Chini li strati sù di luminari,
suonu di banna e sparu di mascuna,
li fimmini s'addicanu a mustrari
li miegghi cutri 'nta li finistruna.
La sira jamu tutti 'nta la chiazza
pi musica canzuni e puisia,
cu 'ncontra amici li vasa e l'abbrazza,
cu amici unn'avi di latu si canzia.
Tuttu finisci 'nta li matinati
quannu attacca a calari la muddura,
l'uocchi su stanchi e li jammi tagghiati
mentri canta la cucca 'ntà Raciura.
Tutti a li casi e la menti a Maria
ca d' ogni mali n'av'a liberari,
nn'av'a sarvari di la morti ria
paci e saluti a tutti nn'av'a dari.
Cirinè
_______________________
|
